Hermes買袋記(二)之阿媽我得左啦！我買到了BIRKIN！！！

續上期講左想買個GOLD Picotin 22，世事往往就係咁，想買呢樣時，就會出現另一樣，令人唔知點好。因為早兩個月前，係日本，又係日本，不過今次係北海道札幌，與家人旅行時竟然無啦啦買到了兩個意想不到的Hermes包，驚喜程度達10級！

由於下塌的酒店就在Hermes店正正隔離，所以每天出門的第1個節目就是—行下Hermes(嘻嘻)。第1天，國內人不多，基本上整個星期的行程都係見到兩三個左右，甫入店內，sales招呼殷勤，禮貌周周，一心想睇下D Scarf，試下試下，同個sales傾下計咁，最後買左2條scarfs + 頸鏈埋單，最後問下有咩袋，不過當日只有1個綠色herbag、GP30，所以買完就算。

第二日即有收獲！

 

 

到了第二日，sales已認得我們了，今日行程有d趕，所以單刀直入，問今日有咩袋？估不到個sales甜笑地直接回應，今日返了個lindy！Lindy！雖然lindy不是甚麼難買的袋款，不過對於lindy總有種情意結，因為曾在香港機場(at least半年前)見過1個淡藍色26的lindy，可惜size 26太少了，最後當然依依不捨地上機。說回這次的lindy，在充滿期待和緊張的心情下，sales將橙色大盒打開，Oh No！是Gold Colour，而且是心儀的size 30 ，想買的顏色竟然出現在lindy身上，命運呀！點解要咁對我… 看看價錢，兌換港幣差不多5萬4千左右，合理至極，而這個Lindy是比Togo柔軟點的Clemence leather，揹上時更舒服自在，又實用又易襯….等等等等，一千個要買的理由，所以最後當然乖乖付款，開開心心繼續行程。

  比起Togo更柔軟的Clemence leather，容量剛好，仲要係我鐘意既Gold Colour！

最後一擊！竟然遇到了傳說中的BIRKIN！！

早已聽說在日本是最容易買到B和K的，沒想到竟然是…..真的！來到行程的最後一天，臨別依依，本已很滿足地入手了1個lindy，所以lunch前最後1次進入Hermes，睇下d錶，點知……sales問我們是否今日離開北海道？神神秘秘咁，當我們還未睇中任何錶款，她就招呼我們到店內偏廳中，並說剛剛返了1個袋，還說我們可能會喜歡，究竟係咩呢？心中忐忑忐忑，好似以前考完試派成績單果一刻咁，又好似等待約會中的對象，身影愈近，心仔就撲通撲通咁跳彈。橙色盒徐徐打開，雪梨紙掀開的一刻，突然好像半世紀般漫長，Oh!!!!!!!OMG！

點估都估唔到會係個Birkin！果下真係想對住隔離個阿媽大叫：「阿媽！我得左啦！」雖然這個BIRKIN 35cm Blue Paradise Stamp T有點大，顏色不是大路的黑呀、大象灰呀咁，不過面對這個價值約8萬6左右，而又有點輕而易舉就買到的Birkin，再加上sales親切可人的服務態度，還有拒絕的理由嗎？而最重要係皇太后，即我媽媽說了一句喜歡，所以即時收歸國有，拿著大一袋二袋上機了！原來日本的Hermes傳說是真的！親身印證之下，發現只要去得密，總之一有時間就入去逛下，最好係lunch前，人少d，袋可能未咁快比人買曬，就會容易買到心頭好，姊妹們努力呀！

血拼完畢，謝謝收看。